Kursi i radhës që po përgatitet të organizojë Federata Shqiptare e Futbollit është ai për trajnerë të nivelit UEFA B, që është i rezervuar për ish-lojtarët profesionistë të cilët kanë luajtur të paktën 3 vite në Kategorinë “Abissnet Superiore” dhe 5 vite të aktivizuar në Kategorinë e Parë.
Drejtoria Teknike në FSHF apelon të gjithë të interesuarit që të nxitojnë për t’u regjistruar, teksa kursi për licencën e trajnerit UEFA B do të nisë më datë 5 shtator 2022 dhe do të zhvillohet i ndarë në katër periudha dhe më konkretisht 05-10 shtator 2022; 10-14 tetor 2022; 21-26 nëntor 2022; 04-09 dhjetor 2022.
Për t’u regjistruar në këtë kurs të gjithë kandidatët e interesuar duhet të dërgojnë brenda afatit dokumentacionin e nevojshëm. Afati i fundit për paraqitjen e kërkesës është data 22.08.2022. Aplikimet që mbërrijnë pas afatit nuk do të pranohen, ndërsa kandidatët që pranohen në kurs duhet të paguajnë një tarifë pjesëmarrjeje prej 700 eurosh.
