Disa makina të banorëve të një blloku banimi te “Rruga e Elbasanit” në Tiranë, janë dëmtuar gjatë natës pasi një furgon është futur mes tyre dhe i ka përplasur. Shoferi për t’i shpëtuar policies, ishte futur brenda këtij blloku, por kur ka parë se s’kishte mundësi të ikte, e ka braktisur mjetin.
Bëhet me dije se shoferi kishte qenë plot me emigrantë sirianë që vijnë në Shqipëri.
Afro 20 emigrantë sirianë, kanë qëndruar në zonën e Thesarit në Tiranë dhe më pas furgoni është larguar. Gjatë rrugës atij i është vënë në ndjekje patrulla dhe për t’u fshehur, shoferi është futur brenda bllokut të banimit.
Shumë mjete janë përplasur dhe aty ka mbërritur sot Policia, për të bërë dokumentimin e ngjarjes, si dhe verifikimet përkatëse për kapjen e autorit. Furgoni ndodhej brenda bllokut të banimit sepse shoferi u largua.
