Kryedemokrati Basha në një deklaratë për mediat lidhur me krizën energjitike që ka pushtuar vendin.
Gjatë konferencës, nuk ka munguar dhe “gafa” e kryedemokratit Basha.
Gjatë konferencës së sotme me gazetarët, Basha duke ju referuar një deklaratë të mëparshme të Ramës për uljen e energjisë elektrike, tha se ky ishte Rama dhe jo aktori Florjan Binaj, të cilin e quajti Flamur.
“Ky ishte apo jo, nuk ishte ai tjetri që doli në protestë, si e ka emrin ai aktori Binaj, Flamur Binaj? Flor Binaj, Flori nuk ishte Flori”, tha Basha.
Aktori i humorit, Florjan Binaj e ka marrë shumë për të qeshur faktin që kryedemokrati Lulzim Basha nuk ia kujtonte emrin. Ai ka ndarë në ‘Instagram’ videon nga konferenca e kryedemokratit i cili ia ngatërron emrin duke i thënë ‘Flamur’.
‘Meme falas’ e cilëson Binaj këtë moment, duke shkruar dhe emrin ‘Flamur Binaj’.
