Gazetari Rakipi ironizon restorantin “Mrizi i Zanave”, vjen reagimi i stafit: Si s’na bëre një shkrim o Ylli, për ne shkruan gjithë bota!
Restoranti i njohur në Lezhë, “Mrizi i Zanave” ka reaguar pas një ironie të bërë nga ana e gazetarit Ylli Rakipi.
Gazetari Rakipi ka treguar gjatë emisionit të tij televiziv një rast ku disa turistë janë shprehur se “Mrizi i Zanave” është restoranti më i mirë në botë, një epitet për të cilin ky i fundit mendon se është i tepërt.
Reagimi i stafit “Mrizi i Zanave”:
Paska ironizuar z Ylli Rakipi, sepse një vizitor kishte thene qe restoranti jonë modest sipas atij ishte më i miri në botë.
Pa dyshim sjemi më të mirët në botë me një menu 20€ personi por diçka duhet ta dini ju zoti Rakipi!
Ju kurrë nuk e bëtë një artikull për ne ndërkohë që kanë shkruajtur dhe trasmetuar emisione:
BBC, Al Jazera, Rai Uno, Rai Due, Rai Tre, Arte Tv, Zdf, Finantial Times, Vogue, Corriere della Sera, La Republica, El Pays, Liberation, Der Spiegel,
dhe shumë tjera për punën tonë jo të vogël sepse po luftojmë me këndvështrime të një kulture të kontaminuar nga realizmi socialist, dhe që anashkalon fshatin si urë lidhëse me qytetrimet. Dhe kujtojmë që fisnikërohemi me një javë udhëtimi në Francë, pijmë champagnë në Lion, blejmë syze Dior në Paris dhe kthehemi Francez të paketuar.
Ndoshta nuk është rasti juaj por në Shqipëri disa gazetarë funksionojnë me xhetona apo me clering apartamentesh dhe i nderuar ne nuk kemi as xhetona dhe as apartamente per te shkemby.
Me respekt Stafi i Mrizit!
