Ngadalësimi i rritjes ekonomike të Kinës që fillimisht preku sektorin prodhues dhe më pas atë të ndërtimit, tani ka zbritur në sektorin e teknologjisë. Edhe kompanitë e mëdha si JD.com dhe Didi Chuxing, nuk janë kursyer nga kriza. Shtresa e mesme e mirëarsimuar tani po ndeshet me reduktim të vendeve të punës dhe uljen e rrogave, duke treguar se rënia është më e madhe nga sa tregojnë të dhënat zyrtare dhe do të jetë e vështirë për qeverinë për ta përmbysur këtë prirje.
Tani që tkurrja po ndihet edhe nga jakat e bardha, ata po shtrëngojnë rripin dhe po shpenzojnë më pak, gjë që do të pasohet me efekte zinxhir në pjesë të tjera të ekonomisë. Një gjë e tillë rrezikon dhe planet ekzekutivit për ta fokusuar rritjen ekonomike te konsumi dhe ulur varësinë nga sektori i eksporteve. Edhe taktika e zakonshme e qeverisë duke shtuar kreditimin dhe rritjen e shpenzimeve në infrastrukturë, nuk do t’i vijë në ndihmë sektorit të shërbimeve, atij financiar apo të novacionit teknologjik. Ekspertët thonë se qeveria duhet të mendojë për një strategji afatgjatë. Veprimi i parë ishte miratimi i ligjit për investimet e huaja në mbyllje të sesionit vjetor parlamentar në Pekin. Duke iu përgjigjur gazetarëve të huaj, kryeministri Li Keqiang, tha se qeveria do ta mbajë premtim.
Ligji synon t’i nxisë investimet e huaja dhe të sigurojë kompaninë e huaja se nuk do të detyrohen të transferojnë teknologjinë në këmbim të qasjes në treg.
