Kryeministri në detyrë, Ramush Haradinaj në 21-vjetorin e Epopesë së Vërrinit, ka kujtuar sakrificën e pashembullt të secilit ushtar e komandant që luftuan për çdo pëllëmbë të tokës së Kosovës.
Përmes një postimi në Facebook, Haradinaj ka thënë se djemtë e Prizrenit e Pashtrikut, ishin gjithmonë aty ku i kërkoi atdheu dhe përgjithmonë do të jenë frymëzues për brezat.
“Në 21-vjetorin e Epopesë së Vërrinit, kujtojmë sakrificën e pashembullt të secilit ushtar e komandant që luftuan për çdo pëllëmbë të tokës së Kosovës. Djemtë e Prizrenit e Pashtrikut, ishin gjithmonë aty ku i kërkoi Atdheu dhe përgjiithmonë do të jenë frymëzues për brezat, se si i dilet zot të drejtës sonë. Lavdi e përjetshme dëshmorëve të Vërrinit dhe tërë Kosovës”, ka shkruar Haradinaj.
