Policia e Fierit, me qëllim zbardhjen e plotë të ngjarjes në Fieri, ku humbi jetën efektivi i Shqiponjave Novruz Canaliaj, ka marrë në pyetje 12 persona, mes tyre edhe dy prindërit e autorit të dyshuar, Petrit Mernica dhe Ajete Mernica.
Kjo e fundit duke qenë se ishte dëshmitare në automjetin tip Audi me të birin Azganin, në momentin kur ndodhi krimi, dëshmia e saj është parë me interes nga hetuesit për te rindërtuar skemën se si u vra 28-vjeçari Novruz Canaliaj.
Ajete Mernica është shprehur se gjithçka ka ndodhur shumë shpejt.
Ka parë djalin të zbres nga makina dhe të konfliktohet me policin.
Aty ka dëgjuar një të shtënë arme, dhe më pas djali i saj ka hyrë në makinë dhe kanë ikur në drejtim të banesës së vëllai të Ajete Mernicës.
Më pas ajo ka thënë se djali iku me vrap pa i thënë se ku do shkonte.
Ndërkohë në vendin e ngjarjes të pranishëm kanë qenë edhe disa të rinj të cilët kanë treguar në polici skenën e vrasjes.
