Tom Doshi është deputeti dhe biznesmeni që ka punësuar shtetasin izraelit që u kap me pajisjen e dyshuar si përgjuese në aeroportin e Rinasit.
Shtetasi izraelit Yoram Frig, ka dëshmuar se ka ardhur në Shqipëri në datën 21 mars 2017 me kërkesë nga Tom Doshi.
Ai ka thënë se është paguar 2 mijë euro për të verifikuar me anë të pajisjes skanuese, makinat dhe zyrat e deputetit.
Izraeliti u ka thënë hetuesve se Tom Doshi dyshon se dikush e ka përgjuar dhe për këtë arësye ka dashur të mësoje nëse kjo ishte e vërtetë.
Pas kapjes në Rinas, dy ditë më parë shtetazi izraelit është marrë në pyetje ndërsa prokuroria i ka sekuestruar pajisjen, pasaportën, sendet personale dhe gjithcka tjetër.
Sipas burimeve nga Prokuroria e Tiranës, hetimi nisi për dy vepra penale, konkretisht atë të “përgjimit të jashtëligjshëm i të dhënave kompjuterike”, si edhe për “shpërdorim të detyrës”.
Yoram Frig del se ka hyrë katër herë në Shqipëri në të gjitha rastet me aktivitetin e dedektivit privat.
