I ftuar në studion e Fax News për të folur lidhur me situatën politike dhe takimin e kryeministrit shqiptar në Beograd me presidentin serb dhe zv,kryeministrin maqedonas, avokati Altin Goxhaj tha se një organizim i tillë, i emërtuar “Open Balkan”, do të ishte kundër bashkëpunimit Kosovë-Shqipëri.
Sipas tij, kjo është një lëvizje nga Soros e cila synon të vulosë fatin e shqiptarëve duke bërë që të vendoset hegjemonia serbe në rajon duke u krijuar në njëfarë mënyrë “Jugosllavia e Re”.
Avokati tha se një marrëveshje e tillë, do të hiqte mundësinë e bashkëpunimit dhe bashkimit Kosovë-Shqipëri, pasi kontratat e nënshkruara do të jenë të atilla që do të dëmtojnë procesin e bashkimit të shqiptarëve.
Avokati Altin Goxhaj : Vij nga një fundjavë shumë e bukur në Kosovë, ndërkohë që ai pati takimin për Ballkanin e Hapur unë isha i ftuar në një takim kundër këtij organizimi. Ballkani i Shoqërisë së hapur është pyka që çan bashkëpunimin Kosovë Shqipëri. Ballkani i hapur vjen si pjesë e projektit të Soros kundër çështjes shqiptare e cila lidhet kryesisht me shpopullimin. Vetë Rama dje dha një intervistë ku pohoi atë që kam thënë unë në 2018 që Ballkani i Hapur është Jugosllavia e Re. Kjo u vërtetua nga Rama kur tha arsyeja përse ekziston Sorosi është Ballkani i Hapur.
A e përfaqëson idenë edhe deklarata e Vuçiç i cili tha se nuk kanë arritur akoma asgjë?
Besoj se ajo që tha Vuçiç ishte plotësim i fjalisë së Ramës “Ju nuk keni parë asgjë akoma”. Kjo temë do të përfaqësojë fatin e shqiptarëve, për 50 vitet e ardhshme. Ballkani i Hapur heq mundësinë e bashkimit mes Kosovës dhe Shqipërisë. Ne jemi të humbur në cdo marrëveshje tregtare me Serbinë. Ata janë më superiorë në cdo aspekt sidomos në tregje, ku Serbia është më e fuqishme. Kjo do të bëjë të pamundur bashkëpunimin Kosovës Shqipëri sepse marrëveshjet e bëra në kuadër të Open Balkan do ta dëmtojnë këtë gjë. Në Shqipëri ka falimentuar fabrika e qumështit, çdo mall në vend do të vijë nga Serbia. Përse? Për arsye konkurrence. Shteti serb e ka primare këtë gjë. Kosova dhe Shqipëria nuk do kenë kurrë pika afrimi për shkak të këtyre marrrëveshje të bëra në kuadër të Open Balkan.
