Gazmend Koduzi, kreu i Departamentit të Shëndetësisë në Partinë Demokratike, ka hedhur ákuza të fòrta mbi qeverinë dhe menaxhimin që ajo po i bënë situatës në lidhje me pandeminë. Koduzi i ndodhur përball ambienteve të spitalit Covid4, u shpreh se dëshmi e propagandës së dështuar është pikërisht ky spital i cili nuk është funksional.
Demokrati bën fajtor qeverinë për shifrat e rritura të të infektuarve dhe personave që kanë ndërruar jet pasi sipas tij situata është lënë në rënie të lirë.
Deklaratë e Partisë Demokratike, Gazment Koduzi
Qeveria dështoi me menaxhimin e situatës së Covid 19. Dështoi në marrjen e masave për mospërhaqjen e këtij virusi në popullatë, por aq më tepër në institucionet shëndetësore.
Qeveria dështoi në rritjen e numrit të testimeve dhe në kohën e fundit rriti numrin e tyre tek 500 por pa plotësuar të gjithë nevojat që kanë qytetarët shqiptarë për t’u testuar dhe me këto masa qeveria tregoi që nuk ka një strategji, që e ka lëshuar situatën në rënie të lirë.
Qeveria në vend që sakrificën e njerëzve që bënë gjatë 3 muajve karantinim ta kthente në investim në sistemin shëndetësor për ta përballuar më mirë këtë situatë, qeveria u mor me propagandë, me tendera kòrruptivë dhe një nga veprat e propagandës së Edi Ramës është prapa meje, ish-Universiteti Kristal, i cili sipas Edi Ramës u kthye në Spitalin Covid 4 më 2 qershor dhe u inaugura me propagandë të madhe por që ishte një mashtrim për shqiptarët.
Sot shqiptarët kanë nevojë për kujdes shëndetësor më të specializuar dhe më cilësor dhe kjo godinë është e mbyllur. Edi Rama nuk i ka dëgjuar këshillat e ekspertëve të Partisë Demokratike apo edhe të pavarur për masat që duhet të marë për të përballuar këtë situatë, por vetëm është tallur me to.
Përgjegjësi kryesor i situatës në të cilën ndodhen qytetarët shqiptarë, është vetëm Edi Rama.
