Deputeti i Partisë së Lirisë, Petrit Vasili ka reaguar mbi modelin e ri ekonomik të paraqitur ditën e djeshme në Konventën Kombëtare nga kreu i PL-së, Ilir Meta.
Vasili e ka cilësuar këtë model si një alternativë për shqiptarët dhe se modeli aktual rilindës duhet të shpërbëhet. Po ashtu deputeti shton se me modelin e ri do ketë liri dhe transparencë.
REAGIMI I VASILIT
Me Modelin e ri ekonomik të paraqitur dje nga Ilir Meta, shqiptarët kanë që nga dje një alternativë shumë të qartë për varfërinë, për zhvillimin dhe lirinë e bisnesit, për tërheqjen e investimeve të huaja dhe vendase me peshë, për një sistem fiskal të drejtë dhe jo të korruptuar.
– Shembja e modelit aktual rilindas të bazuar në korrupsion ,pastrim parash dhe trafiqesh.
-Burimet dhe oportunitetet jashtëzakonshme të Shqipërisë do të shfrytezohen maksimalisht dhe nuk do të grabiten.
– Të ardhurat do të rriten sepse korrupsioni grabit mbi 2 miliard euro vetëm nga mosmbledhja korruptive e tyre.
– Liria dhe konstruktiviteti maksimal ndaj bisnesit moto udhëheqëse për transformimin ekonomik
– Transparencë dhe verifikim në themel i çdo qindarke të parave publike të derdhura me miliarda në Koncesione, PP dhe tendera korruptive pa fund të dhënë me 99% te çmimit.
Kryefjala e Modelit te ri ekonomik është sundimi i ligjit dhe transparenca absolute e administratës shtetërore, që do të shndërrohet në shërbyese të qytetareve dhe jo më si një çetë grabitqare patronazhistësh të korruptuar siç është sot vetëm për shkak të Edi Ramës.
