Romelo Lukaku transferimi i kësaj vere nga skuadra e Interit ka dhënë një intervistë të gjatë për “Inter TV”.
Ndër temat kryesore që u prekën në këtë intervistë, ishin ajo e golit të parë me skuadrën zikaltër dhe momenti kur shkeli për herë të parë në stadiumin e Interit.
Goli i parë- “Kam qenë gjithmonë gati dhe unë përgatitem mirë .Në rastin e golit thjesht e dija ku do të shkonte ai top: ishte një moment fantastik, ishte e gjithë familja ime në stadium. Pastaj e dinim që do të fitonim, sepse jemi stërvitur shumë mirë.”
Ndjesia e parë kur shkele në fushën e Interit- Ka qenë diçka shumë e veçantë, më mungonte një ambient kaq i nxehtë. Ishte me të vërtetë speciale, jam emocionuar shumë, kisha rrëqethje sepse dëgjohej se në çdo moment thithej ajri i një historie të lavdishme. Kam menduar për të gjithë ata lojtarë që kanë luajtur këtu.
Në çdo aksion tifozët na japin gjithmonë zemër. Këtë sezon po lind diçka speciale, por kemi ende punë për të bërë.
Milano – “Më pëlqen, i pëlqen të gjithë familjes time. Unë jam një djalë i thjeshtë, shkoj të stërvitem dhe kthehem në shtëpi tek të shtrenjtët e mi.”
Tifoz i Interit- Finalja e parë që kamë parë ka qenë ajo mes Interit dhe Lazios 3-0.
Ky ka qenë një nga motivet që kam ndjekur gjithmonë futboll italian.
Nuk do e harroj kurrë atë gol të Ronaldos me finte. Çfarë spektakli!
