Kanë përfunduar hetimet në ngarkim të ish-ministrit të Brendshëm, Saimir Tahiri.
Dosja në ngarkim të tij është dërguar në gjykatë nga Prokuroria e Krimeve të Rënda, paraditen e sotme.
Ndërkohë ditën e nesërme në orën 13.00, Tahiri është thirrur për tu njohur me akuzat.
Ndaj ish-ministrit janë ngritur akuzat e veprave penale “Trafik ndërkombëtar droge” në bashkëpunim, “Grup i strukturuar kriminal” dhe “Shpërdorim detyre”.
Mbyllja e hetimeve ndaj tij dhe dërgimi i dosjes në gjykatë, vjen pasi më 11 shkurt Gjykata e Krimeve të Rënda, pranoi kërkesën e ish-ministrit të Brendshëm, për të mos zgjatur hetimet me tre muaj të tjerë.
Saimir Tahiri është vënë nën hetim, si i dyshuar për lidhje me grupin “Habilaj” që merrej me trafik droge drejt Italisë.
Ai akuzohet se i krijonte lehtësi grupit në aktivitetin kriminal.