Me syze, maskë të zezë dhe kapuç. Kështu është shfaqur Davide Pecorelli, i cili u zhduk në Shqipëri në janar dhe u gjet pas 8 muajsh në Itali në një gomone që po mbytej.
Gazetarët sapo e kanë parë biznesmenin i janë dreJtuar me një sërë pyetjesh në lidhje me ngjarjen, por që Pecorelli ka preferuar mos të flasë duke u largaur nga kamerat dhe duke fshehur fytyrën nën syzet dhe maskën.
Mediat italiane bëjnë me dije se Pecorelli të hënën do të jetë në Prokurori, pasi ka shumë pyetje rreth zhdukjes së tij, ku dyshohet se gjithçka është inskenuar nga vetë ai për të përfituar siguracionin. Ai do të hetohet për mashtrim.
Autoritetet italiane ranë në gjurmë pasi pas 8 muajsh u aktivizua karta e bankës.Si duket më 12 shtator biznesmeni ka tërhequr një shumë parash.
Kujtojmë që Pecorelli dyshohej se kishte vdekur, pasi makina e tij u gjet e djegur në Pukë në janar të 2021, ndërsa brenda saj kishte mbetje kockore.
