Gazetari Mero Baze publikoi sot një foto të kolegut Andi Bejtja, teksa shfaqej në krah të George Soros disa vite më parë. Baze thotë se Bejtja sot drejton televizionin e djalit të Sali Berishës, ndërsa me ironi shkruan se Evi Kokalari që kërkoi shpalljen non-grata të Sorosit në Shqipëri, duhet të kërkojë dhe pastrimin e televizionit “Syri” nga agjentët e tij.
Por Bejtja i është përgjigjur po me ironi, duke i përmendur një pjesë të karrierës së tij të pasur, teksa thotë se ka takuar jo vetëm Soros, por ka intervistuar një President Republikan, ka takuar presidentin kinez, Tony Blair e të tjera. Bejtja thotë se foto e publikuar nuk do e ndalë mbledhjen e Kuvendit të PD-së më 11 dhjetor.
“Ky është Xhorxh Soros dhe Drejtori i Qendrës shtypit Sorosit në Tiranë Andi Bejtja diku bë fillim të vitit 1999 në Tiranë. Gjatë konferencës për shtyp Soros shprehu lehtësimin që trazirat e fundit të Shtatorit 98 nga ana e PD, nuk e prekën fondacionin “Soros”. Kjo Kokalari nuk duhet ti vërë kushte vetëm Berishës si “kryeministër”, por dhe të birit si pronarë tv, që të pastrohet nga “agjentët” e Sorosit”, shkruan Baze krah fotos.
Reagimi i plotë i Bejtes:
Ha ha ha ha a sa bukur a do thoshte Çani
E para njëhere sa i bukur paskam qenë se e kisha harru
Tjetra, unë se kam zakon me postu foto dhe të mburrem po meqë ra rasti e po ma kujtoni psh kam dhe një interviste eskluzive me një President Republikan në Shtepi të Bardhë, kam dhe një certifikatë nga Erazmus University të firmosur nga Lordi Oëen si tema më e mirë për Conflicts Rezolution, se harrova kam ngrënë dhe një drekë me të, edhe foto…..u meqë u kujtova në 98 kam takuar dhe Toni Blair në Londër, kam dhe foto mos u lodhni me e gjet se ja u sjell vetë, që mos ju lodh shumë kam takuar dhe Presidentin Kinez , kam bashkëpunuar për një kohë të gjatë dhe me United Nations, kam qenë dhe i ftuar Eskluziv në dy Samite të Natos, etj etj ….po ti biem shkurt nëqoftese mendoni se duke më nxjerrë kto mund të pengohet mbajtja e Kuvendit me 11 dhjetor ja u sjell vetë të gjitha vetë….po patët ndonje foto të ngjashme vetë si kto mund të mi dërgoni për qejf…
Nuk pranoj foto me lider lokalë…
