Vincenzo Montella ka deklaruar se është optimist para ndeshjes së kthimit me Manchester United në ‘Old Trafford’. Sevilla do të kërkojë çerekfinalen e Ligës së Kampionëve, por për ta bërë këtë duhet të kalojë pengesën e quajtur Manchester United, me të cilën ka barazuar pa gola në ndeshjen e parë. “Është një lojë e veçantë për Sevillan. Do të ishte shum e madhe për ne që të arrijmë çerekfinalen. Sevilla ka luajtur vetëm një herë në çerekfinale”, ka deklaruar Montella. “Ne e dimë se kjo është një ndeshje e vështirë kundër një ekipi shumë të fortë. Ne e dimë se duhet të japim gjithçka dhe të shpresojmë se momentet kyçe do të na ndihmojnë”. Pavarsisht rezultateve pozitive të Manchester United kohët e fundit, Montella shpreson t’i ndalojë ata në “Old Trafford”. “Unë nuk jam i nervozuar për ndeshjen e parë. Ne luajtëm një ndeshje të shkëlqyer. Ne e njohim Manchester United, kanë mposhtur Liverpoolin, Chelsea dhe kanë përmbysur me Crystal Palace. Kanë një ecuri të mirë. Ne shpresojmë t’i ndalojmë nesër”, ka përfunduar trajneri i Sevillas.
