Aktorja dhe deputetja e Lëvizjes Vetëvendosja, Adriana Matoshi është fotografuar sot duke “fjetur” gjatë seancës plenare në Kuvendin e Kosovës.
Kjo foto menjëherë u publikua në portale dhe beri xhiro në rrjetet sociale dhe Adriana u detyrua të japë një shpjegim për këtë moment çlodhjeje që rastësisht përfundoi në një fotografi të shkrepur.
Ajo së fundmi, ka bërë një reagim publik, duke hedhur dyshime mbi burimin dhe publikimin e kësaj fotoje.
Deputetja përmes një “Instatory” ka fajësuar kolegët e opozitës që ia bënë fotografinë e cila më pas përfundoi në portalet.
“Të nderuar ndjekës të mi! Kolegët e opozitës nga krahu im i djathtë më shumë merren me mua se me problemet që i kanë shkaktuar vendit! Kanë kohë të bëjnë fotografi, kanë kohë të më shtantazhojnë por kurrë kohë nuk patën të punojnë për të rregulluar diçka për vendin tonë! Edhe e kam kuptuar që janë shumë të lidhura me disa por*tale e luftojnë për klikime e pastaj paratë i ndajnë bashkë! Ata kan qejf pak edhe me qenë pak IN, por kurrëqysh nuk kanë dhezur që sa vjet”, ka shkruar Adriana.
