Deputeti demokrat Xhella Mziu, ka qenë një ndër personat më të komentuar të ditëve të fundit, për shkak se nuk mori pjesë në Foltoren e ish-kryeministrit Sali Berisha në Dibër, pasi Mziu njihej si një nga mbështetësit më të flaktë të liderit historik të PD-së.
Në një intervistë në Fax News, Mziu u shpreh se nuk do të jetë pjesë e asnjë Foltoreje, pasi nuk do që të parti të krijohen konflikte të brendshme. Ai shtoi se nuk u orientua nga partia që të mos shkonte krah Berishës, por ishte një vendim i tij personal.
“Së pari, unë jam një person që përballem dhe nuk tërhiqem kur ka gjëra me risk të lartë. Në këtë raund të liderit historik të PD-së, është një pjesë e PD-së. Ajo që gjykoj është se pjesa përfaqësuese e PD-së nuk duhet të nxisë debate të brendshme që në një farë mënyre mund të kthehen në “boomerang”.
Në atë Foltore ka patur qindra e mijëra demokratë. Nuk do shkoj as në Foltoret e tjera që do të bëhen. Jam shumë i pavarur, as nuk jam orientuar nga partia. Kjo është një bindja ime e brendshme. Duhet të mos krijojmë kampe kundërshtare”, tha Xhelal Mziu.
