Naureda Llagami është vënë në krye të Këshillit të Lartë Gjyqësor me dhjetë vota pro.
Këshilli i Lartë Gjyqësor u mblodh për herë të parë të enjten dhe drejtohej nga anëtarja më e vjetër në moshë jo-gjyqtare, Fatmira Luli.
Llagami mori frenat e këtij institucioni të ri, ndërsa në garë për kryetar të KLGJ-së ishin Alban Toro dhe Fatmira Luli.
Krahas drejtuesit të KLGJ-së, u zgjedh edhe nënkryetari i saj Maksim Coku, teksa gjithashtu garonin Naureda Llagami dhe Fatmira Luli. Gjatë ditës së djeshme u zgjodhën edhe drejtuesit e Këshillit të Lartë të Prokurorisë.
Në konstituimin e Këshillit të Lartë Gjyqësor ishte i pranishëm kreu i Gjykatës së Lartë Xhezair Zaganjori dhe Avokatja e Popullit, Erinda Ballanca.
Themelimi i dy institucioneve do t’i hap rrugë krijimit të SPAK, i cili ka për synim hetimet në nivele të larta të korrupsionit, përfshirë edhe personalitete në fushën e politikës.
