Këshilli i Lartë i Prokurorisë duke filluar nga muaji janar do të çelë garën për të zgjedhur prokurorin e përgjithshëm me mandate 7 vjeçar.
KLP do t’i propozojë për votim emrat e kandidatëve në Kuvendin e Shqipërisë ku njëri prej të cilëve duhet të marrë 84 vota.
Prokurorët që plotësojnë kriteret për të kandiduar janë kryeprokurorja e përkohshme, Arta Marku e cila u konfirmua në detyrë nga KPK.
Marku u pyet nëse do garojë po në të njëjtin post, tashmë me mandate, por preferoi të heshte.
Një emër tjetër për kandidat është edhe prokurori i prokurorisë së përgjithshme, Sokol Stojani i cili e kaloi me sukses vetingun.
Një kandidaturë tjetër e fortë ishte dhe prokurori tjetër Adnan Xholi, edhe pse nuk rezultonte të ishte magjistrat kishte grada shkencore në juridik.
Gjithashtu, kanditatura tjetër e mundshme ishte dhe prokurori i apelit në Shkodër, Arben Dollapaj dhe prokurori i prokurorisë së Krimeve të Rënda, Besnik Muçi.