Në emisionin “Kjo Javë” në News24, Neritan Ceka foli për situatën politike në vend, duke u ndalur edhe të përçarja në Partinë Demokratike.
Gjatë intervistës me gazetaren Nisida Tufa, ai tha se Partia Demokratike po shkon drejt asgjësimit, duke theksuar se të njëjtin fat pritet të ketë edhe PS, kjo e fundit për shkak të marrjes së pushteteve, ndërsa shtoi se rotacioni në vend do të ndodhë me krijimin e një force të re politike.
Neritan Ceka: Ajo që pretendon se ka vulën po i sjell një dëm politikës shqiptare. Duke dashur të tregojnë se janë proamerikan. Por këta zotërinjtë duhet t’i thonë popullit shqiptar që kaq e patëm.
Zgjedhjet për kryetar të PD
Neritan Ceka: Komedi në fund të verës, kur nuk ka asnjë publik. Është një zhgënjim, ajo që është krijuar me aq shumë mund, po përfundon në teatër provincial. Zonja Tabaku do të ishte një model, Jozefina Topalli po ashtu do të ishte një model. Në parti nuk mund të futesh pa pasur karrierë, nëse PD nuk del me një program ndryshe , do të dalë një forcë tjetër ta bëjë këtë.
