Kreu i Partisë Demokratike Lulzim Basha akuzon kryeministrin Edi Rama se po pengon drejtësinë në zbardhjen e asaj që opozita e quan si afera e inceneratorëve.
Gjatë një takimi me demokratë në Kamëz, Basha i bëri një thirrje publike kryeministrit Rama, duke i kërkuar të heqë dorë “krcënimi i prokurorëve të SPAK”.
Basha nuk zbuloi nëse ka informacione për kërcënimin e ndonjë nga prokurorëve, por tha se “nuk ka gjë që s’merret vesh”.
Pjesë nga deklarata e Bashës:
Afera më e madhe jo në Shqipëri, por në europë. Të mërkurën e ka radhën Edi Rama të vijë para komisionit. A e dëgjuat atë administratorin e Fierit? 23 milion euro, nuk e di, s’më kujtohet…23 milion euro pa një copë letër. Administratori tjetër nuk e dinte që e kishte rrogën 9 milion në muaj. Një tjetër filloi duke qarë në sallë. Dy janë në kërkim. Një njeri që nuk ka tender me mbi 1 milion euro që nuk merret vetë personalisht? A ka mundësi mos të ketë dijeni për një aferë 430 milion euro? Hiq dorë nga kërcënimi i prokurorëve të SPAK-ut. Ta dëgjojë mirë këtë mesazh. Nuk ka gjë që s’merret vesh. Hiq dorë nga kërcënimi i prokurorëve të SPAK. Të gjitha provat faktojnë se ky po mbron ata që kanë rënë në rrjetën e hetimit parlamentar të PD. Por ky vetë po provohet si koka e aferës.
