Kryeministri Rama ka zgjedhur votimet në Parti për ti kthyer një përgjigje Presidentit Meta për kërcënimin e këtij të fundit se ‘Parlamenti shpërndahet me një dekret’
“Më kujton atë që ju kam thënë më parë Xhike Qamilin sa të kem këtë atë katund nuk pyes për Francën e Anglinë” tha Rama.
Rama nuk pranoi të komentonte padinë që kreu i shtetit do dorëzojë të hënën për kreun e KED-së.
“Unë nuk dua që ne të përfshihemi në këtë konflikt si dy palë që japin e marrin bam e bum për dy çështje që nga njëra anë janë shumë të qarta nga ana tjetër i përkasin çështjeve legjitime dhe ligjore. Gjithcka që mund të bënim e bëmë dhe e kemi bërë të linjëzuar 100% nga ata që janë mbështetësit dhe garantët e reformës në drejtësi. Ne jemi në anën e duhur të historisë, fatkeqësisht Ilir Meta është në anën e gabuar të historisë”-tha Rama
