Pas Maqedonisë së Veriut, as Mali i Zi nuk do të konkurrojnë në Eurovizion-in e vitit të ardhshëm për shkak të shpenzimeve të pjesëmarrjes në festivalin e madh muzikor.
Transmetuesit paguajnë një tarifë për të marrë pjesë në konkurs, por shuma ndryshon në varësi të madhësisë së vendit.
Sipas BBC, disa vendeve iu është kërkuar të paguajnë më shumë pasi Rusia u ndalua të marrë pjesë në konkurs.
Rusia, një kontribues i madh financiar, u përjashtua nga konkursi i këtij viti pasi pushtoi Ukrainën.
“Përveç kostove të konsiderueshme të tarifave të regjistrimit, si dhe kostos së qëndrimit në Britaninë e Madhe – ne u përballëm edhe me mungesë interesi nga sponsorët, ndaj vendosëm t’i drejtojmë burimet ekzistuese për financimin e projekteve kombëtare aktuale dhe të planifikuara”, informoi transmetuesi publik i Malit të Zi, RTCG.
Kostoja totale për të gjithë transmetuesit e përfshirë për të hyrë zakonisht shkon deri në rreth 5 milion paund, por saktësisht se sa paguan secili pjesëmarrës nuk bëhet publike.
Kuptohet gjithashtu se disa vende të tjera konsiderohen të tërhiqen si rezultat i kostos shtesë.
Midis 8 dhe 17 milion paund pritet të paguhet nga BBC për të organizuar ngjarjen, në emër të Ukrainës, në Liverpool në maj 2023.
Dy transmetuesit që janë tërhequr, RTCG dhe MRT, nuk arritën të kalonin fazën gjysmëfinale të konkursit të këtij viti në Torino, Itali.
MRT në një deklaratë tha se “rritja e tarifës së regjistrimit për pjesëmarrje”, si dhe kriza energjetike në Maqedoninë e Veriut i detyroi ata të marrin vendimin.
Një listë e plotë e vendeve që do të shkojnë në Merseyside në vitin 2023 pritet të konfirmohet nga organizatorët e Eurovizionit më vonë këtë javë.
