Evi Kokalari aktivistja që erdhi nga SHBA-ja për të mbështetur Sali Berishën ka bërë një reagim ironik lidhur me përplasjet e funditr që ka pasur. “Meqënëse disa kanë ngritur pikëpyetje mbi identitetin tim dhe udhëtimet e mia në Francë, Rusi, Boston & Neë York, mendoj se ka ardhur koha t’ju tregoj identitetin tim të vërtet. Emri im është Aethelflaed. Disa jetë më parë njihesha si luftëtarja -Lady of the Mercians”, shkruan Kokalari në mesazhin e saj.
Postimi i Kokalarit
“Meqënëse disa kanë ngritur pikëpyetje mbi identitetin tim dhe udhëtimet e mia në Francë, Rusi, Boston & Neë York, mendoj se ka ardhur koha t’ju tregoj identitetin tim të vërtet
Emri im është Aethelflaed. Disa jetë më parë njihesha si luftëtarja -Lady of the Mercians. Kam qënë një nga frymëzueset e pakta të Napoleon Bonapartes dhe bashkë flisnim shpesh, sidomos për strategjitë e betejave të tij. Përpara se të vdiste më la amanet që gjatë periudhës së globalizimit, të rimëshirohesha dhe të shkoja në Francë, ku do të bëhesha pjesë e shërbimit sekret francez DGSE.
Ishte në Francë që Rasputini më pikasi, mbas një takimi tek mikesha ime dhe carina e tij, Anastasia Romanova. Disa vite më pas lëviza me ta në Rusi. Mbas revolucionit të pjellave bolshovike, mbijetova falë vetë-izolimit në Norilsk, Siberi.
Kam qënë në apati të plotë deri diku nga vitet ’90, kur e ndjeva se kishte ardhur momenti për të sjellë në pushtet atë që do ti hante kokën globalizmit – Vladimir Vladimirovich Putin. Pas pushtetit fuqiplotë të Putinit, udhëtova në Japoni, ku u trajnova nën mbikqyrjen e pasardhësve të Shimisu Jirocho dhe u bëra pjesë e Yakuzës. Misioni i parë ishte pikërisht një operacion shumë i rëndësishëm në Boston.
Mbas 9 muajsh veprimtari aktive atje dhe mbylljen me sukses të misionit të parë përtej Atlantikut dhe Pacifikut, ju bashkova organizatës bazë me seli në Neë York. Mbas arrestimit të gjeneratës së shtatë të Jirochos në 2007, fraksioni ynë i Yakuzës u shpërbë, si e tillë ju ktheva një jete të qetë dhe mëse normale deri në momentin që kuptova që mafia globaliste kishte futur rrënjët thellë në tokën e Illirëve. Si pasardhëse e Andronika Arianitit, e ndjeva që misioni im i ardhshëm ishte pikërisht shpëtimi i opozitës, si shpresë e vetme mbijetese për Shqiptarinë.
Misioni i fundit ka pasur një efekt traumatizues për shumë elemente që vegjetojnë me pagesa nga politikanët që mbledhin fonde fushate nga firma bananesh që trafikojnë drogë në shkallë globale.
Si ish-anëtare e Yakuzës, jam mëse e përgatitur të përballem me mafien Shqiptare, ndërsa monstrave që sulmojnë si krimbat mbas shiut, mundohem thjeshtë ti vëzhgoj për kuriozitet, që të kuptoj se si mbijetojnë në errësirën dhe lagështin e tokës ku kanë folen. Unë jam Aethelflaed, por shumë prej jush këto kohët e fundit më kanë njohur me pseudonimin Evi Kokalari.” tha ajo,
