Nga Florian NURI
Zakonisht, kur bëhet një pyetje si kjo e mësipërmja njerëzit tentojnë subjektivisht të përgjigjen se e ardhmja i përket të rinjve. Normalisht keshtu duhet të jetë!
Por, po ashtu e dimë se një pyetje e tille kur vjen fjala për të analizuar drejtimin e një vendi kërkon një analizë të thelluar. Dhe në gjykimin tim modest, VULLNETI POLITIK si dhe PUNET konkrete që drejtojnë liderët politike për të mirën e popullsisë janë dy kritere kyçe kur kryejmë një analizë të tillë.
Sot analiza për Trekendeshin e Bermudës shfaqet në formën Rama-Berisha-Basha, ose RBB. Po të deshironi shtoni dhe lidere të tjerë, mjafton t’i permbaheni dy kritereve të mesiperme në funksion të analizës.
“Është e vërtetë që unë rikthehem pas 8 vitesh, por nëse më pyet dikush mua çfarë ndryshimi ka Sali Berisha i vitit 2013 me Sali Berishën e vitit 2021, mund t’ju them vetëm një gjë, flej më pak se në 2013, lexoj më shumë, punoj më shumë”, tha Berisha dje në takimin e rradhës së foltores në Kamëz. Këtë paragraf e shkëputa qëllimisht nga fjala e Berishës, sepse më ngacmoi të them të drejtën edhe për këto rradhë që po shkruaj sot. Sepse mendoj që në fund mbi këto baza duhet gjykuar dhe analizuar një lider politik, vullneti dhe puna e të cilit ndikojnë fuqishëm në drejtimin që merr vendi në periudha afatmesme dhe afatgjata.
Dikush mund të thotë që jam i njëanshëm në gjykim, sepse ky paragraf mund të përmbaje ironi, fjalë jo të verteta, se analiza duhet zgjeruar dhe më tej, etj, etj. Ndoshta, por duke i zhveshur këto fjalë nga personi që i ka thënë besoj se kriteret për analizën janë të vlefshme. Për më tepër akoma, në kushtet e njëanshmerisë po të doni, mendoj që serioziteti është një nga tiparet kryesore që karakterizon figuren e Sali Berishës në gjithë këto vite.
Sali Berishën mund ta akuzosh. Por vullnetin politik për ta çuar në fund punën e nisur nuk ia konteston dot kush. As orët e pafundme në zyrë dhe në terren nuk ja vë dot kush në dyshim. Apo jo? Janë të njohura arritjet madhore të Shqipërisë si në proceset integruese ashtu dhe në projektet zhvillimore që i dhanë hov ekonomisë dhe jetës sociale përgjatë viteve 2005-2013.
Rama ka zgjedhur një slogan tjetër: s’ka kohë për pushim! Strategjia e tij e bazuar në në një komunikim publik intensiv ka rezultuar efikase politikisht. E gjen në çdo cep të vendit dhe më thënë të drejtën ka një “të vertetë” në atë që thotë, ka bredhur më shumë se çdo lider tjetër politik në këtë vend. Beni kujdes, e kam fjalën për bredhje rrugeve, jo punë konkrete. Shtrengon duart, bën qepalla, flet për lopët dhe demat, dhe ecën e ecën në rrugët e gjetura të shtruara më parë. Vështirë ta gjesh në zyrë, e pamundur të gjesh ndonjë vendim qeverie që mban firmën e tij siper. Nuk ka kohë të lexoje!
Po para se të vazhdoj ju kujtohet besoj treshja e famshme e Realit te Madridit, Ronaldo-Benzema-Bale. Sa të fuqishëm ishin, dhe sa gola benin duke ndihmuar njeri-tjetrin. Tani e dini qe u ndane. Benzema dhe Bale qendruan në Madrid. Benzema vazhdon të ketë qëndrueshmeri, vijon të bëje gola dhe të jetë golashenuesi më i mire i kampionatit. Ronaldo, leviz sa në një skuadër në tjetrën, po dhe ai vazhdon të bëjë gola.
Ka mbetur dhe Bale. Djalë i ri është, i fuqishëm, po e ka mendjen te loja e golfit. Ka përfunduar si rezerve dhe pakkush kujtohet për të. Nuk thonë kot: Më mirë syri se nami!
