Ngjarja e rëndë e ndodhur në Kavajë, ka ngritur alarmin se sa të pasigurtë janë fëmijët dhe në ambjentet e shkollës.
I tillë është rasti i përdhunimit të një nxënëseje 13-vjeçare në Kavajë disa ditë më parë por rasti u bë publik vetëm pas një denoncimi në “Facebook” nga ish-kryeministri Sali Berisha.
Të gjithë djemtë e arrestuar e kanë pranuar që kanë kryer marrëdhënie seksuale me vajzën e mitur.
Ata kanë thënë se e merrnin vajzën në shtëpinë e tyre pas përfundimit të shkollës. Pasi përfundonte njeri, të nesërmen shkonte në shtëpinë e një djali tjetër pasi i bënin presion vajzës me videon që posedonin.
Kjo gjë ndodhte kur në banesat e tyre nuk kishte njeri dhe kur prindërit e tyre ishin në punë. Policia dhe prokuroria ka marrë në pyetje mësuesen kujdestare, drejtoreshën e shkollës por kanë deklaruar se nuk dinin gjë.
Mbi këto dëshmi pritet që prokuroria e Durrësit të kërkojë arrest me burg për të shtatë të ndaluarit. Mësohet se prokurore e çështjes është Oltiana Cifligu ndërsa gjyqtare Nurjeta Tafa.
