Një përplasje e fortë, ka degraduar deri në sherr bremda PD, në mbledhjen që kreu aktual i PD-së Lulzim Basha, ka pasur me krerët e degëve të Tiranës. Basha u ka kërkuar kryetarëve të degëve, që të dalin e të sqarojnë arsyet e vendimit për përjashtimin e Berishës dhe sa të vështirë e ka pasur ai.
Në këtë moment ka ndërhyrë Agron Shehaj, duke i kërkuar që të dalë vetë e të sqarojë bazën, në një kohë që 75 % të sajën e ka kundër. Pas përplasjeve verbale, Shehaj ka braktisur sallën, ndërkohë që pjesë e madhe e drejtuesve të degëve mungonin në këtë mbledhje.
Debate të ashpra mes Lulzim Bashës dhe Agron Shehajt, është panorama e mbledhjes së kreu aktual i Partisë Demokratike Lulzim Basha, ka pasur me kryetarët e degëve në Tiranës.
Burime nga brenda mbledhjes, kanë bërë me dije se Basha u ka kërkuar kryetarëve të degëve, që të takohen me anëtarësinë dhe t’i shpjegojnë se sa të vështirë e ka pasur ai vendimin, për të përjashtuar nga grupi parlamentar liderin historik Sali Berisha.
Në momentin që situata është tensionuar së tepërmi, deputeti Shehaj ka braktisur mbledhjen dhe është larguar. Mësohet se në këtë mbledhje ishte vetëm një pjesë e drejtuesve të degëve, ndërsa pjesa më e madhe e tyre kanë munguar.
Ndërkohë sipas po të njëjtave burime, mësohet se kryetarët e degëve i kanë raportuar Bashës, se anëtarësia e Partisë Demokratike është kundër tij, madje këto qëndrime nuk i kanë fshehur as në reagimet e tyre në rrjetet sociale, apo me mesazhe dërguar drejtuesve të degëve. Përballë kësaj situate, Basha u ka kërkuar kryetarëve të degëve që të intensifikojnë takimet për t’i thënë të kundërtën, por duket se pjesa më e madhe e drejtuesve në bazë nuk kanë marrë përsipër justifikimin e vendimit.
