Nesër, e diel demokratët u drejtohen kutive të votimit për të zgjedhur kandidatët që do t’i përfaqësojë në zgjedhjet e 14 majit të 2023.
“Primaret” janë një proces i organizuar për herë të parë nga një parti politike shqiptare. Nga “Primret” do të dalin kandidatët që do të garojnë për koalicionin e Sali Berishës dhe Partisë së Lirisë në zgjedhjet lokale të 2023. Edhe këto zgjedhje e gjenë PD të ndarë, pasi Enkelejd Alibeaj ka nisur të shpallë kandidatët e tij për këto zgjedhje.
Ndëkohë ka dalë edhe fleta e votimit për kandidatët e Tiranës. Demokratët do të zgjedhin nesër se kush do të jetë kandidati mes Adriana Kalaja, Belind Këlliçi, Enkelejda Fejzo, Fatmir Merkoçi, Gerti Bogdani, Ilir Alimehmeti dhe Julian Deda.
Kujtojmë që nesër procesi nis në orën 08:00 dhe kandidatët kanë nisur t’u bëjnë thirrje anëtarëve të PD për votën e tyre.
