Presidenti turk, Rexhep Tajip Erdogan mbështet idenë e Kremlinit për krijimin e një qendre ndërkombëtare gazi në Turqi dhe dëshiron që qeveria e tij të paraqesë shpejt planet e zbatimit, sipas mediave turke.
Presidenti rus, Vladimir Putin propozoi të kalojë tubacionet e gazit natyror në Evropën Jugore nëpërmjet Turqisë pas ndërprerjes pothuajse totale të furnizimeve ruse nëpërmjet projektit Nord Stream.
Ideja ngriti alarm të menjëhershëm tek fuqitë evropiane si Franca, të cilën presidenti Emmanuel Macron e konsideroi të pakuptimtë.
Rusia tashmë furnizon Turqinë me gaz nëpërmjet lidhjes së TurkStream nën Detin e Zi.
Erdogan pas bisedimeve me Putinin në Kazakistan të enjten se qendra e re e shpërndarjes ndoshta do të krijohet në Traki, një rajon veriperëndimor pranë Bullgarisë.
“Ne kemi një qendër kombëtare të shpërndarjes, por sigurisht tani kjo do të jetë një qendër shpërndarjeje ndërkombëtare”, u tha Erdogan gazetarëve në bordin e tij.
Çmimet e gazit janë rritur që nga fillimi i luftës së Rusisë dhe Evropa po kërkon furnizime alternative të energjisë pasi Rusia mbylli tubacionet në përgjigje të sanksioneve perëndimore.
“Ne po krijojmë shpejt një rrjet sigurie për projektin e qendrës së re të shpërndarjes së gazit, tha Erdogan.
