Autori i Emisionit “Fokus”, gazetari Robert Papa duke folur në një lidhje skype në edicionin e lajmeve në MCN TV foli mbi vizitën e Ramës në OKB. Papa tha se takimet në OKB janë të nivelit të qokave duke theksuar se bisedat serioze me partnerët bëhen në Uashington. Papa tha se dalja e kryeministrit shqiptar në emisionin e Grenell, mund të jetë dhuratë e Vuçiçit, ose të jetë siguruar nga vetë kontaktet që Rama mund të ketë ruajtur me “të besuarin” e Trump, i cili nuk përfaqëson konservatorët e djathtë.
Takimet që bëhen në OKB janë të nivelit të qokave, mundohesh të kapësh kë të kapësh. Në vizitat pas vitit 92′ më dinjitozi dhe seriozi ka qenë Berisha. Rama nëse do donte të informonte duhet të shkonte në Uashington.
Natyrisht ata partnerë e dinë që Rama pranoi 3000 iranianë të opozitës vetëm për një ftesë në Shtëpinë e Bardhë. Kam ndjekur Berishën dhe Ramën kur ka ardhur këtu. Ndryshimi midis Berishës dhe Ramës, është që Berisha pritej nga 500 ose 1 mijë shqiptarë me ovacion ose respekte, Rama jo. Shumë liderë, kryeministra dhe Presidentë, e shohin vizitën në OKB, thjesht si vizitë për të parë Nju-Jorkun dhe na shkaktojnë shqetësime trafiku.
Media e djathtë ka theksuar që OKB-ja ka ngelur në nivel propagande. Bisedat serioze me partnerë duhet të bëhen në Uashington. Takimet në OKB janë takime 5 ose 10 minuta. Rama ka treguar afrim shumë të madh me Vuçiçin. Rama në foto, në vend të dilte në krah të Presidentes së Kosovës, është përsëri në krah të Vuçiçit! Nuk e di si mund të informosh partnerët mbi sulmin iranian kur shfaqet kaq miqësor me një kundërshtar të Perëndimit, dhe aleat të Putinit”.
Lidhur me daljen e Edi Ramës në emisionin “News Max”, Papa tha:
“News Max” është një kanal periferik në SHBA, i ekstremit të djathtë që s’ka shumë shikues. Sot Rama nuk del dot te CNN. Ka përfituar nga ai nder që i bëri Grenellit duke e lënë të shfrytëzojë edhe ambientet qeveritare në ambientin tonë të bukur të Jugut. Rama duke dalë me Grenell kërkon të jap ambientet qeveritare një sinjal që ja unë po dal me të djathtën. Grenell nuk ka qenë ndonjëherë përfaqësues i konservatorëve të djathtë republikan. Jo vetëm si LGBT, por ka qenë ambasador skandaloz në Gjermani. Është dhuratë e Vuçiçit nga kontaktet me Grenell. Ose nga vetë kontaktet që ka pasur Grenell me Ramën”.
Papa tha se republikanët do të fitojnë Kongresin në zgjedhjet për “mid term”, por kanë shanse të mëdha edhe të marrin Senatin.
U duk se Republikanët do ta merrnin Kongresin me 16-17 karrige më shumë, por sërish Kongresi shkon për Republikanët me plus 13. Ndërsa për Senatin lajmi i mirë është që republikanët mund ta përmbysin 51 me 49 për qind. Problem janë kandidatët e Trump që janë ekstremistë, flasin për vjedhjen e zgjedhjeve… Duke marrë parasysh ligjin e abortit dhe spostimit të vëmendjes, demokratët shpresojnë të paktën mbajtjen e Senatit. Problem është se në Amerikë pothuajse gjysma nuk voton, sidmos për ‘mid term’. Ajo që shoh si interesante është përplasja për Pensilvaninë. Në Nju-Jork vota republikane s’ka aq shumë vlerë, sepse vota është blu. Demokratja edhe këtu s’pranon debat.
Mendimi im është që republikanët padyshim marrin Kongresin dhe shanse të mëdha të marrin Senatin”./MCNTV.AL
Rama në SHBA/ Papa: Takimet në aOKB të nivelit të qokave(Video)
