Kryeministri Edi Rama gjatë inspektimit të nisjes së procesit të vaksinimit në Berat, tha se shpreson që në ditët në vijim të kemi lajme të mira për rritjen e sasisë së vaksinave të siguruara. Kryeministri bëri me dije se në procesin e vaksinimit do të përfshihen jo vetëm infermierë por edhe strukturat e ushtrisë.
“Shpresoj shumë që në ditët në vijim pa u bërë ditët javë të tëra të kemi lajme të mira për rritjen e sasive dhe shtrirjen intensive të vaksinimit, ndërkohë që duhet të përgatitemi për një rrjet kapilar jo vetëm qendrash shëndetësore, por të përfshijmë edhe ushtrinë, edhe studentë të infermierisë në mënyrë që të gjithë këtë periudhë të pranverës ta kthejmë në një perioudhë vaksinimi intensiv e t’ja dalim të kemi një pozicion shumë lart të klasifikimit të vedneve për nga eficienca e vaksinimit“, – tha Rama.
