Kreu i Partisë Demokratike, Lulzim Basha ka reaguar pas raportin final të OSBE-ODIHR për zgjedhjet parlamentare të 25 prillit, duke u shprehur se raporti konfirmoi që në 25 prill u tjetërsua vullneti i shqiptarëve.
Sipas Lulzim Bashës, raporti konfirmoi atë që shqiptarët e dinë tashmë, pra 25 prilli nuk kishte lidhje me demokracinë dhe zgjedhjet e lira e të ndershme.
Teksa përmend blerjen masive të votave, presionin ndaj votuesve, keqpërdorimin easeteve publike dhe gjetje të tjera, Lulzim Basha thekson se 25 prill ishte me pak fjalë një masakër zgjedhore.
Ditën e sotme, OSBE-ODIHR publikoi raportin përfundimtar për sa i përket zgjedhjeve parlamentare të 25 prillit, duke përmendur ndër të tjera si tepër të nevojshme ruajtjen e të dhënave të qytetarëve, si dhe betejën me shitblerjen e votës.
Reagimi i Lulzim Bashes:
Raporti përfundimtar i OSBE/ODIHR konfirmon se me 25 prill u tjetërsua vullneti i shqiptarëve.
Këto janë disa nga konkluzionet e raportit përfundimtar të OSBE/ODIHR mbi 25 prillin:
– Blerja masive e votave.
– Presioni ndaj votuesve.
– Shkrirja në një e partisë në pushtet me shtetin.
– Keqpërdorimi i aseteve publike në avantazh të partisë në pushtet.
– Abuzimi me pushtetin dhe funksionet publike.
– Rritje e punësimit në administratën publike me qëllime elektorale.
– Presion mbi administratën publike për të votuar partinë në pushtet.
– Përdorimi i fondeve të rindërtimit për të orientuar votën.
– Legalizime në këmbim të votës.
– Vjedhja e të dhënave private dhe personale të shqiptarëve nga partia në pushtet dhe ngritja e sistemit kriminal të patronazhistëve duke ushtruar përmes këtij sistemi presione dhe shantazhe ndaj qytetarëve.
– Përdorimi i grupeve kriminale për të ushtruar presion ndaj zgjedhësve.
– Ndryshimet kushtetuese të njëanshme, në kundërshtim me rekomandimet e Komisionit të Venecias.
E përmbledhur me dy fjalë: MASAKËR ZGJEDHORE!
Raporti konfirmon atë që të gjithë shqiptarët e dinë tashmë: 25 prilli nuk kishte lidhje me demokracinë dhe zgjedhjet e lira e të ndershme.
