Deputeti i zgjedhur i PD-së Ervin Salianji, me anë të një postimi, shkruan se Niko Peleshi duhet të dilte para drejtësisë, për helmim të ushqimeve.
Salianji thekson se një sasi e madhe pesticidi me emrin ‘Silicon Mix’ shitej në Shqipëri si pleh kimik, gjatë kohës kur Peleshi ishte Ministër i Bujqësisë.
Ai shton se në vend që Peleshi të përgjigjej para drejtësisë, promovohet si ministër i Mbrojtjes.
Në qeverinë e ricikluar ofrohet dhe mbrojtje për Niko Peleshin!
Prej 2 vitesh, ndaj tij qëndron një dosje në SPAK, për përdorim pesticidesh të rrezikshme. Një sasi e madhe pesticidi me emrin ‘Silicon Mix’ shitej në Shqipëri si pleh kimik, gjatë kohës kur Peleshi ishte Ministër i Bujqësisë.
‘Silicon Mix’ ishte bllokuar nga AKU, por me një udhër të ish-ministrit Niko Peleshi, bllokimi u hoq dhe në treg u shitën 4600 kilogram kimikat.
Skandali është evidentuar nga ana e Kontrollit të Lartë të Shtetit, i cili akuzon ish-ministrin se ka shkelur ligjin.
Si mundet të bëhesh Ministër, kur ke helmuar qytetarët me pesticide si Silicon Mix?
Peleshi sot duhet të ishte i pandehur dhe me mbrojtës para gjykatës por mbrohet dhe promovohet si Ministër i Mbrojtjes.
Niko Peleshi duhet të dalë sa më parë para drejtësisë për helmim të produkteve ushqimore.
