Prokuroria e Posaçme kundër Korrupsionit dhe Krimit të Organizuar (SPAK), i sekuestron 5512 m2 truall Artan Gaçit, bashkëshortit të ish-ministres Olta Xhaçka.
Mësohet se kjo sekuestro preventive është vendosur pasi po hetohet për falsifikim të aktit të marrjes së tokës në pronësi.
Kjo sipërfaqe rezulton të jetë një pjesë e tokës me të cilën Artan Gaçi ka fituar statusin e investitorit strategjik pak kohë më parë.
Sekuestrimi i pronës është bërë në kuadër të hetimit të nisur mbi bazën e kallëzimit të kryebashkikaut të zgjedhur të Bashkisë së Himarës
Beleri pretendon se prona është marrë përmes AMTP-ve të falsifikuara. Me qëllim që dokumentet të mos tjetërsohen, SPAK ka bërë sekuestrimin e tyre, ndërsa prona në emër të Gaçit nuk mund të tjetërsohet.
Kujtojme qeë ish deputeti i Partisë Socialiste, Artan Gaçi, tashmë investitor strategjik në jug të Shqipërisë, u paraqit për disa orë në SPAK me 6 tetor. Në SPAK eshte thirrur me parë edhe kryetari ne detyre i bashkise se Himares, Jorgo Goro.
Bashkëshorti i deputetes socialiste dhe ish-ministres për Europën dhe Punët e Jashtme, Olta Xhaçka, është kallzuar për falsifikim dokumentesh të pronës, që bleu për investim, duke bashkëpunuar me Jorgo Goron, kryetarin në detyrë të Bashkisë së Himarës.
