Policia e Maqedonisë së Veriut ka kryer një aksion në burgun e Idrizovës, ku janë gjetur 63 celularë, 82 thika, 4 thumba, 71 karikues telefoni dhe drogë.
Ndërkaq, gjatë kontrolleve, policia është përleshur me të burgosurit, pasi ata kanë tentuar të bëjnë rezistencë.
Si rezultat i kësaj përleshje kanë mbetur të lënduar 10 policë dhe disa të burgosur.
“Janë gjetur 63 celularë, 82 thika, 4 thumba, 71 karikues telefoni dhe drogë. Gjatë ndërmarrjes së veprimeve zyrtare, një grup më i madh i të burgosurve u mblodh dhe bënë rezistencë aktive, por pas masave dhe aktiviteteve u mposhtën. Në këtë mënyrë u plagosën 10 policë dhe u plagosën edhe disa nga të burgosurit”. Pas dokumentimit të rastit, nga MPB më tej deklarojnë se do të bëhen parashtresat përkatëse. Përndryshe kjo nuk është hera e parë që policia futet në burgun e Idrizovës. Raste të njëjta ka pasur edhe më herët”, ka njoftuar Ministria e Brendshme e Maqedonisë së Veriut.
