Shqipëria arriti një sukses të jashtëzakonshëm në mundje.
Sportisti çeçen që përfaqëson kuqezinjtë, Zelinkhan Abakarov i ka dhënë Shqipërisë medaljen e artë, pasi është shpallur kampion bote në Beograd.
Kryetari i Partisë Demokratike, Sali Berisha, e ka uruar Abakarov-in për suksesin e arritur.
Abakarov mposhti amerikanin Gilman Thomas me rezultatin 7-2 në finale dhe nën tingujt e himnit kombëtar ngriti flamurin kuqezi në Beograd.
Reagimi i kreut te PD-se, Sali Berisha:
“Një fitore historike, e jashtëzakonshme e mundësit Kuq e Zi, Zelimkhan Abakarov në Beograd!
Miq, shkruhet historia në Beograd, fitore tepër dominuese nga mundësi ynë me performancë mahnitëse e të rrallë, Zelimkhan Abakarov.
Mundësi Kuq e Zi nderoi flamurin tonë kombëtar, duke fituar medaljen e parë të artë në kampionatin botëror të mundjes.
Ai mposhti amerikanin, Gilman Thomas (medalist dhe kampion bote).
Një përballje burrërore tepër e saktë, tepër emocionuese, dhe gjithcka e mirëkalkuluar, e mirëmenduar nga sportisti ynë.
Urimet më të përzemërta.”
