Ish-kryeministri Sali Berisha thotë se është në dijeni të vendimit të drejtësisë shqiptare për sekuestrimin e pasurive të deputetit të PD Kasëm Mahmutaj. Ky i fundit, u bë deputet në 25 prill përmes listës Basha por kaloi në mbështetje të “Foltores”.
Në një konferencë për mediat, Berisha tha se lëvizja e SPAK vinte fill pas Kuvendit Kombëtar që u zhvillua më 30 prill dhe në një ditë pushimi. Ai e quajti organin e akuzës si “SKAP-i i partisë”.
“Kam dëgjuar lajmin aq sa keni dëgjuar dhe ju. Nuk kam asnjë dijeni tjetër. Por e ndjek me vëmendje zhvillimin. Ajo që thoni ju është e vërtetë, që bëhet fill pas Kuvendit dhe në një ditë pushimi.
Por duke qenë i qartë se SKAP-i është i partisë, siç e tha Edi Rama, ne do ndjekim me vëmendje çdo zhvillim. Natyrisht jem i për zbatimin e ligjit. Për zbatimin objektiv, të paanshëm të ligjit”, u shpreh Berisha.
