Ish-ministri i Drejtësis, Ylli Manjani reagoi pasi një sondazh zbuloi se shqiptarët nuk kanë besim te reforma në drejtësi.
“Grusht në stomak i japin shqiptarët drejtësisë dhe reformës së trumpetuar aq shumë nga propaganda.
Grusht në stomakun e të gjithë atyre që shesin dëngla me sukse imagjinare. Qeverisë moniste dhe Yurit gjithashtu.
Rreth 60% mendojnë se drejtësia nuk është pastruar nga korrupsioni. Po aq mendojnë se drejtësia nuk është e pavarur.
Përkundrazi, 44% shkojnë eehe më tej, mendojnë se drejtësia është e kapur politikisht.
55% mendojnë se politikanëve nuk u hyn gjemb në këmbë.
Shifra të frikshme, por kristal të qarta:
Reforma ishte dhe është DËSHTIM!
Më keq akoma, SPAK është edhe më i pabesueshëm se ç’ishte në maj të këtij viti, kur u bë barometri i fundit.
Ishte 24% pabesueshmëria në maj, 42 ka shkuar tani në shtator.
Doni më për të kuptuar që reforma, e cila do luftonte korrupsionin; do pavarësonte drejtësinë dhe; do rriste besimin te publiku, ka dështuar?!
Të dhënat janë nga Barometri i Data Centrum dhe Euronews”, shkruan ai.
