I gjithë stafi mjekësor të cilët janë në frontin e parë të luftës me koronavirusin në spitalet covid përballen çdo ditë me vështirësi duke u kujdesur për pacientët.
Nga bisedat me familjarë të pacientëve që janë të shtruar kanë deklaruar se të afërmit e tyre marrin shërbim të mirë mjekësor.
Në ndihmë të bluzave të bardha kanë ardhur dhe studentë të mjekësisë të cilët kanë hyrë mesditën e sotme (3 shtator) në ambjentet e spitalit.
Një prej studentëve shprehet se është detyra e tyre është për të ndihmuar në këto kushte të vështira.
Ai thotë se pavarësisht frikës nga koronavirusi, është detyra e tyre.
“Jemi studentë të mjekësisë. Ne jemi viti i katërt. Kemi ardhur këtu pasi e kemi për detyrë se do jemi mjekë të ardhmes. Normalisht që kemi frikë nga koronavirusi” – u shpreh studenti.
