Partia e Lirisë me në krye Ilir Metën do të mbajë pasditen e sotme (13 shtator) protestën e parë.
Meta njoftoi pak ditë më parë se protesta do të mbahet përpara inceneratorit të Tiranës, duke e quajtur “kryeveprën” e korrupsionit të qeverisë.
“Protesta e parë e Partisë së Lirisë, në 13 shtator, ora 18:00, në inceneratorin e Tiranes, ‘kryeveprën’ e korrupsionit të Qeverisë. Ftojmë të gjithe qytetarët” deklaroi Meta pak ditë më parë.
Në një intervistë mbrëmjen e djeshme Meta ka shpërthyer në akuza ndaj kryeministrit Rama duke e krahasuar atë me enë plastike dhe e paralajmëroi se do të jetë kurbani i tij politik.
Kujtojmë që këtë protestë e ka mbështetur edhe PD, pasi Sali Berisha në një deklaratë u bëri thirrje qytetarëve që të marrin pjesë në protestë.
“Kudo që bëhen protesta, u bëjmë thirrje qytetarëve të marrin pjesë” tha Berisha
