Një nga lojtarët më aktivë të Big Brother VIP, Luiz Ejlli, ka treguar se vuan nga një sëmundje e rrallë që mund të kurohet në vetëm 11 klinika në të gjithë botën.
Gjatë bisedës, duket se Kiara shqetësohet dhe e pyet nëse është e kurueshme, kurse Luizi thotë se gjithçka kushton shumë. Këngëtari tregon se ka hemorragji nga goja, por që brenda BBV është justifikuar duke thënë se ka një dhëmballë të prishur.
Luiz Ejlli: E kam në të gjithë trupin dhe më ka dalë tre muaj para se të vija këtu. Nuk e dija, por bëra një checkup dhe më doli. Kam për të ikur në gusht, kam për të ik në Bergamo. Më doli edhe parmbrëmë në jastëk, por ja futa kot, thashë kam një dhëmballë të prishur.
Kiara Tito: E ke treguar para se të vije
Luiz Ejlli: Nuk e kisha thënë para se të hyja këtu dhe prandaj u futa se më duhen ato leket. Është e kushtueshme. Ata thonë është e rrallë dhe 11 klinika janë më botë që e bëjnë.
