Klubi i Partizanit ka marrë një lajm mjaft të hidhur mesditën e sotme.
Ish-futbollisti i të kuqve, Arbër Aliu është ndarë nga jeta tragjikisht, pasi mbeti viktimë i një aksidenti me motor uji. Lajmi konfirmohet nga faqja zyrtare e klubit kryeqytetas, që pohon se Aliu ishte ka mbetur i vdekur në vend në liqenin e Rubjekës.
Mbrojtësi ishte pjesë e ekipit kryeqytetas në vitin 2006-2007 me ekipin U-19, vit me të cilin u shpall edhe kampion i Shqipërisë.
Njoftimi i Partizanit.
Me keqardhje të thellë mësuam sot lajmin e ndarjes nga jeta në moshën 31-vjeçare të futbollistit Arbër Aliu, si pasojë e një aksidenti me motorr uji në liqenin e Rubjekës. Mbrojtësi ka qenë pjesë e ekipit U 19 të Partizanit përgjatë sezonit 2006 – 2007, vit në të cilin me të kuqtë u shpall edhe kampion i Shqipërisë.
Klubi i Futbollit Partizani bashkohet me dhimbjen e familjes duke i shprehur ngushëllimet më të sinqerta.
U prehsh në paqe Arbër
