Sot te “5 Maji” IMT ka vijuar me shembjen e banesave, ku janë hasur dhe me rezistencën e fortë të qytetarëve. Në videon në faqen e kryeministrit Edi Rama në “Facebook”, ku u dhanë edhe vendimet e qeverisë sot, shumë qytetarë kanë komentuar pikërisht çështjen e “5 Majit”.
Një ndjekëse shkruan “Turp të kesh i ke nxjerr familjet në mes dimërit jashtë, Zoti u vraft”.
E nuk mungon edhe përgjigja e kryeministrit Edi Rama, i cili shpjegon se familjet nuk janë lënë jashtë dhe se u është dhënë bonus qiraje deri në ndërtimin e shtëpisë.
“Jo, nuk kemi nxjerre asnje familjar jashte ne mes te dimrit, perkundrazi, edhe atyre qe i kane ndertuar shtepite pa leje, u kemi ofruar te njejtin trajtim si te prekurve nga termeti, me bonus qeraje deri ne ndertimin e nje shtepie qe pastaj do te jete e tyrja! Nese Zoti duhet te vrase per kete trajtim njerezor e solidar, ashtu u befte, po besoj se nderkohe duhen degjuar profetet qe thone se te shash e te mallkosh nuk eshte pune e Zotit po pune e Djallit” shkruan Rama.
