Luiza Gega është rikthyer në Shqipëri pasi u shpall kampione e Europës në 3000 metra me pengesa. Së fundmi, atletja shqiptare në një deklaratë për mediat në Rinas, ka treguar emocionet e para të këtij triumfi:
“Kur kalova pengesën e fundit përjetova një emocion të jashtëzakonshëm. Më është dashur të lë një jetë normale, të jetoj larg familjes për të realizuar një ëndërr që të përfaqësoja veten time dhe flamurin kombëtar. Më është dashur të jetoja larg familjes vetëm për këtë gjë.
Ka ndryshuar mbështetja, qoftë nga bashkia dhe nga klubi i Tiranës. Dy vitet e fundit ka ndryshuar shpërblimi për sportin. Mezi pres të takoj familjen time, nuk kisha mundësi të takoja as mamanë time.
Nuk mundesha dot të lija stërvitjen në mal për këtë ëndërr. Nuk do të doja të zgjidhja asgjë tjetër për këtë gjë. Jam shumë e lumtur që sot u shpërblye çdo sakrificë e imja.”, tha Luiza Gega.
