Unioni i Gazetareve Shqiptare njofton se sot do të jenë në protestë pasi kryeministri Edi Rama pak ditë më parë çoi në “riedukim” gazetarin Klevi Muka, pas pyetjes që i bëri ministres Olta Xhaçka, pyetje e cila sipas kryeministrit nuk ishte etike.
Unioni i Gazetarëve kërkon që kryeministri të kërkojë ndjesë publike për ndërhyrjen, mospërgjigjen dhe penalizimin e reporterit Klevin Muka.
Si dhe heqje dorë nga praktika e ndëshkimit me riedukim të reporterëve dhe anullim i tyre për rastet e Ambrozia Metës dhe Klevin Mukës.
Postimi i plotë:
UGSH është sot në protestë kundër “riedukimit” të kryeministrit për gazetarë!
Tiranë më 4 Korrik 2022
UGSH në protestën e sotme kërkon:
Ndjesë publike të kryeministrit për ndërhyrjen, mospërgjigjen dhe penalizimin e reporterit Klevin Muka.
Heqje dorë nga praktika e ndëshkimit me riedukim të reporterëve dhe anullim i tyre për rastet e Ambrozia Metës dhe Klevin Mukës.
Reagim publik i Komisionerit për mbrojtjen e së drejtës për informim dhe për t’u informuar ndaj rastit të Klevin Mukës.
Mbetemi në pritje të reagimit ndaj kërkesave tona.
Zyra Informuese
Unioni i Gazetarëve Shqiptarë