Shkrimtari i njohur Kim Mehmeti ka bërë një paralelizëm të bukur lidhur me situatën politike në vendin tonë.
Ai kujton këshillën e vlefshme e cila thotë se “vajzat nuk duhet të shohin makinën e shtrenjtë, por shoferin që e nget”, duke e paralelizuar me kontekstin politik, në prag të zgjedhjeve të brendshme në PD.
Mehmeti thotë se votuesit nuk duhet të shohin flamurin e partisë, por drejtuesin e saj se çdo veprim politik del nga koka e tij dhe jo nga flamuri.
“Nëse vajzave duhet dhënë këshillën e njohur se, nuk duhet ta shikojnë makinën e shtrenjtë, por djalin që e nganë atë – ngaqë fëmijët nuk do i ngjajnë dhe nuk do e kenë baba veturën, por drejtuesin e saj – atëherë votuesit duhet këshilluar që të mos e shikojnë flamurin partiak, por flamurbartësin, ngaqë veprimet politike i përcakton koka e atij që e bartë shtizën, e jo flamuri që valëvitet në të!”, shkruan në rrjete sociale Kim Mehmeti.
