Një video e publikuar në rrjetin social TikTok po bën xhiron e rrjetit, teksa në një nga autobusat e linjës së ‘Tiranës së Re’ është shënuar një incident mes fatorinos dhe pasagjerëve.
Në video shfaqet fatorino duke u dhunuar nga pasagjerët, ku këta të fundit e godasin me shkelma edhe në momentin që ai është i rrëzuar, ndërsa edhe punonjësi i linjës së transportit publik i kundërpërgjigjet me grushte.
Ende nuk dihen shkaqet që çuan në përdorimin e dhunës në një nga linjat më të mbingarkuara dhe më problematike.
Kujtojmë që kjo nuk është hera e parë që dhuna është e pranishme në urbanët e kësaj linje.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
