Një militant i lartë pakistanez me tre milionë dollarë amerikanë shpërblim për vrasjen e tij është vrarë së bashku me tre ndihmës në Afganistan.
Kështu kanë bërë me dije tre komandantë militantë dhe një zyrtar i inteligjencës.
Referuar zyrtarëve të atjeshëm, vdekja e Abdul Wali, i njohur gjithashtu si Omar Khalid Khurasani, mund t’i jepte një goditje bisedimeve të sapolindura të paqes midis talebanëve pakistanezë dhe qeverisë pakistaneze.
Rusia ka pësuar nga 70.000 deri në 80.000 viktima, duke përfshirë vdekjet dhe lëndimet, që nga fillimi i pushtimit të Ukrainës më 24 shkurt, deklaroi nënsekretari i Pentagonit për Mbrojtjen, Colin Kahl, raporton CNN.
Ai gjatë një konferencë për media sot në Pentagon tha se numri i viktimave ruse është “i jashtëzakonshëm” duke pasur parasysh se ata nuk kanë arritur “asnjë” nga objektivat që kishin në fillim të pushtimit të luftës.
Tri javë më parë, drejtori i CIA-s, William Burns, njoftoi se SHBA vlerësoi se Rusia kishte humbur rreth 15.000 njerëz në Ukrainë dhe se rreth 45.000 u plagosën, me të dhëna se Ukraina gjithashtu pësoi humbje të mëdha.
Për katër muajt e fundit të luftës, Rusia është përqendruar në kapjen e rajonit Donbas të Ukrainës lindore, ku separatistët pro-Moskë kanë kontrolluar disa territore si republika të vetëshpallura për tetë vjet.
