Sekretari i Përgjithshëm i PD Gazmend Bardhi i është përgjigjur sulmeve të ish-kryeministrit Sali Berisha, duke thënë se deklaratat e tij kundër demokratëve janë të padenja.
Bardhi thotë se asnjë mashtrim i Berishës nuk ka ndryshuar dot faktin se demokratët kanë zgjedhur të ardhmen, jo hallin e tij personal. Sipas tij Agron Kapllanaj është një nga demokratët më të votuar dhe më të respektuar në zonën e Fierit, ndaj sulmohet nga Berisha.
Reagimi i Gazment Bardhit:
Sulmet e Sali Berishës kundër demokratëve janë të padenja, por fatmirësisht, të padëmshme. Ato mbeten mashtrime të një politikani me karrierë të mbaruar dhe të mbyllur me turp! Agron Kapllanaj është një nga demokratët më të votuar dhe më të respektuar në zonën e Fierit.
Agron Kapllanaj ka zgjedhur PD dhe demokratët, prandaj sulmohet paturpësisht nga Sali Berisha. Asnjë mashtrim i Sali Berishës nuk e ndryshon dot faktin se demorkatët kanë zgjedhur të ardhmen, jo hallin e tij personal. Demokratët po e braktisin dita ditës.
Se me kë po i ndërton pallatet Edi Rama dhe Erion Veliaj tek 5 Maji, Sali Berisha duhet të pyesë familjarët e tij. Kush është miku trafikant droge në Spanjë që në kundërshtim me ligjin ka fituar tenderin e rindërtimit nga Erjon Veliaj? Pse e fsheh Sali Berisha me mashtrime? E vërteta që do të dal shumë shpejtë është aq e dukshme, sa shpifjet e Sali Berishës nuk e mbulojnë dot.
